تجربتي مع علاج الصلع الوراثي


الصلع الوراثي واحد من أكثر اسباب تساقط الشعر شيوعاً في العالم حتي الاَن، وهو ليس مرضاً ولا شيء ناتج عن اتباع روتين شعر غير صحي او مثلاً استخدام منتجات غير صحية للشعر!، بل هو أمر وراثي بحت

وتظهر علامات الصلع الوراثي في بداية منتصف العشرينات حتي الثلاثينات، ويبدء الشخص ملاحظة ان شعره يبدء بالتساقط وتبدء فراغات الشعر بالتزايد كل فترة

وعلي الرغم من ذلك فالنساء هن أكثر عرضة لتساقط الشعر بعد انقطاع الطمث وتسمي هذه الحالة بالثعلبة الاندروجينية، وفي الرجال تسمي بالصلع الذكوري

وفي السطور التالية سنقدم لك تجارب حقيقية لاشخاص مع علاج الصلع الوراثي للنساء او للرجال.

التجربة الاولي لعلاج الصلع الوراثي:

شعري كله كان فيه فراغات وابيض للاسف، وكان اي حد يشوفني كان يقول ان شعري خفيف للاسف واصلع، ولكن دلوقتي انا شعري طلع من جديد وعالجت فراغات الشعر، وتقريبا جربت كل المنتجات وحاولت محاولات كتير في منها الي فشل وفي الي نجح وكل المحاولات ديه من 3 سنين بالظبط

ولكن الشيء الي استخدمته وجاب نتائج معاية كان منتج للشعر فيه مينوكسيديل بنسبة 5%، واي زيت شعر خفيف مثل زيت الجوجوبا ويفضل ميكنش لزج خالص، وممكن تجيب بايوتيك وديه هيكون سعرها غالي شوية ولكن هتجيب نتيجة

المهم ان الفكرة كلها مش ان كل دول هستخدمهم في وقت واحد، ولكن الفكرة كلها او طريقة العلاج هي اني ازاي استخدم دول بشكل صحي لشعري عشان يعالجوا الصلع الوراثي  عندي مع مرور الوقت!

الزيت مفيد في ترطيب فروة الراس وبيعالج اي شوائب موجودة، والمينوكسيديل بيقشر فروة الراس عشان يطلع شعر جديد وتطلع بصيلات جديدة بشكل صحي وسهل بدون اي عوائق

وفي اول شهر هتلاحظ نتيجة وفي الشهر الرابع هتكون اكثر نتيجة هتشوفها، مع العلم ان ده مش علاج للصلع الوراثي بالكامل ولكن بيعالج اي بصيلات شعر بتموت وبتتساقط وبالتالي يعتبر تحفيز لنمو الشعر وده معناه علاج مع مرور الوقت لمشكلة الصلع الوراثي

  • نجحت التجربة بعد 4 شهور

التجربة الثانية لعلاج الصلع الوراثي:

اي دكتور للاسف بيشرح المينوكسيديل لأي شخص عنده صلع وراثي، وده اعتقد انه خطأ جداً جداً.. ولكن مع تجربتي للمينوكسيديل لمدة 9 اشهر كاملة اكتشفت حاجات كتير جدا مع المينوكسيديل وهوفر عليك تجربة لمدة 9 شهور او نقدر نقول سنة كاملة كمان واخطاء كتيرة عشان متقعش فيها تاني

ودول 3 حاجات متعملهمش ابدا طول مانت بتستخدم المينوكسيديل:

  • بداية المينوكسيديل صعبة جدا
  • حلاقة الشعر بالموس او الذقن
  • لا تقم بتغيير نوع المينوكسيديل اثناء فترة العلاج، استمر علي نوع واحد فقط

في ناس عند استخدام المينوكسيديل بيجلها ذعر شديد لانه بيسبب تساقط بغزارة في البداية في اول شهر او اول شهر ونص، وهتلاحظ انه بيقع زيادة عن اللازم

ولكن ليه بيعمل كدة؟، ببساطة لان المينوكسيديل بيعمل تدفق عالي جداً في الدورة الدموية في فروة الراس، وبالتالي بيدي فروة الراس كمية غذاء كبيرة جدا وده بيخلي الشعر الضعيف يقع الاول ويطلع بصيلات جديدة بصحة اكبر

فترة التساقط بسبب المينوكسيديل بتستمر لحد شهرين، ولكن لو كترت فوق كدة يبقا في خلل او عيب ولازم استشارة الطبيبة فوراً

ولازم نفهم ان مينفعش نغير نوع المينوكسيديل وسط فترة العلاج لانه هيسبب تساقط شديد جداً، وللاسف تغيير نوع المينوكسيديل بيخلي المستخدم يرجع تاني لنقطة الصفر، وللاسف الشديد برضه الدكتور مبلغنيش بكدة وقت الاستشارة في اول مرة

ثالث شيء واهم شيء هو عدم حلاقة الشعر بالموس، خصوصاً شعر فروة الراس، مينفعش ابدا حلاقته بالموس لأنه كارثة بكل معني الكلمة، وممنوع حلاقة الشعر بالموس ثم وضع المينوكسيديل علي فروة الراس لان هذا خطر جدا

واخيرا بكدة اكون انتهيت من تجربتي مع المينوكسيديل احد اهم عوامل علاج الصلع الوراثي، واتمني مفيش اي شخص يقع في الثلاثة اخطاء دول زي منا وقعت فيهم.

  • التجربة نجحت بعد سنة واحدة فقط

التجربة الثالثة لعلاج الصلع الوراثي:

  • من فترة قمت بإستشارة طبيب تحليل الانيميا لمعرفة سبب تساقط شعري المتزايد، وللاسف بلغني انه صلع وراثي وطلب مني عمل اختبار اَشعة فرق الشعر، وبعدها كشف علي بصيلات شعري ثم بلغني انه صلع وراثي ولا يوجد اي علاج الا العلاج بالمينوكسيديل

والعلاج سيستمر من سنة الي سنة ونصف، وبعد ذلك سيكون العلاج فقط لحماية الشعر الجديد الذي ظهر بصحة جيدة، ثم ابلغني ان العلاج يجب ان استمر عليه وبنظام تغذية جيد مثل تناول العسل الاسود كل يوم في الصباح لأن به حديد وكالسيوم

وابلغني ايضاً بإستخدام شامبو مناسب للشعر، واول مرحلة من العلاج ستكون 3 اشهر وسأقوم بمعاودة استشارة طبيبي مرة اخري، حيث ابلغني ان بعد فترة 90 يوم سيظهر شعر من جديد علي اماكن فراغات الشعر لدي

ورشح لي بعض الكبسولات مثل كبسولات هيرتون وبخاخ هير باك 2%، واكد علي انه لا يوجد اي وسيلة اخري لعلاج الصلع الوراثي الا عن طريق عمليات زراعة الشعر.

التجربة الرابعة لعلاج الصلع الوراثي:

انا راندا 31 عام من المملكة العربية السعودية واواجه الصلع الوراثي منذ فترة، ومن المعروف ان الشعر هو من اهم مظاهر الجمال لدي المراة، وعند بدء ظهور تساقط الشعر فهذا دليل تزايده ويجب البدء في علاجه فوراً، وحاليا احدث تقنية من تقنيات علاج الصلع الوراثي للنساء هي تقنية الاقتطاف

هذه التقنية الاسم العلمي لها FUE، وتعتمد علي زراعة الشعر الحديثة عن طريق نزع البصيلات الكثيفة من المنطقة الخلفية للشعر او الموجود بها شعر متزايد، الي المنطقة الموجود بها فراغات وتساقط شديد

والمشكلة كانت معي في البداية عند بدء زواجي، حيث بدات اري تراجع خط الشعر الامامي الي الوراء وظهور الفراغات بشكل متزايد، واستمريت في البحث عن وسيلة جيدة للعلاج لا تتلاعب في الهرمونات النسائية، حتي وجدت تقنية الاقتطاف

واخيراً ظهرت النتائج الجيدة بعد حوالي 10 شهور حتي عام وثلاثة اشهر حيث شعرت بأن العلاج وصل علي 95%، بدون اي استخدام مواد كيميائية، فقط من خلال زراعة الشعر.

التجربة الخامسة لعلاج الصلع الوراثي:

  • النهارده نتكلم عن المنوكسديل البعبع اللي بيخوف ناس كثير بس كثير قوي لأنه بيتوصف لها من الدكتور عشان يعالج الصلع الوراثي، وبيبقا في اسئلة كتير في ذهننا زي هل العلاج ده كويس دائما وممكن افضل مستمر عليه ولا لا!، وعشان كدة هكلمكم انهردا عن تجربتي مع علاج الصلع الوراثي للنساء مع المينوكسيديل، وهبلغكم بسلبياته وايجابياته
تجربتي مع علاج الصلع الوراثي
تجربتي مع علاج الصلع الوراثي

طيب ايه هو الاول المينوكسديل المينوكسيديل ده عباره عن دواء اكتشفوه لعلاج قرح المعدة وبعد كده اكتشفوا ان اللي بياخذ الدواء ده شعره دائما بيتحسن وبيطلع بيبقى احسن وناس ما كانش عندها شعر خالص وطلع، فبدئوا يطوروا المادةديه عشان يخلوها علاج للشعر

طب ايه هي انواع المينوكسيديل نوع السائل ونوع فوم نوع السائل بترشي البخاخ على شعرك وبعدين بتدعكيه اما الفوم بيبقى محدد اكثر الفرق ما بينهم ان الفوم للذقن عند الرجال اما البخاخ فممكن للشعر

وكمان السائل بيعمل شويه دهون في اول شهر ونص، وبرضه استشارة الطبيب هتكون افضل عشان يحدد لك نوع المينوكسيديل المناسب ليك

وده يعتبر مش علاج مؤقت، هو شيء اساسي للحفاظ علي تغذية فروة الراس دائما، لأن المينوكسيديل هو عامل اساسي لتحفيز نمو الشعر وبدونه بصيلات الشعر مش هتلاقي اي عامل مساعد ومحفظ للنمو بقوة مثل الاول

انا فضلت استخدمه سنة ونص بإستمرار، واول سنة كنت منتظمة جدا صبح وليل، وبعدها بدات كل يوم مرة واحدة من بعد اول 6 شهور، وبعد كدة بدات استخدمه يوم اه ويوم لا بعد 9 شهور لحد ما السنة خلصت

وحاليا بعد مرور سنة ونصف بدات اضيفه شوية اه وشوية لا او مرة كل اسبوع لأن انا يعتبر وقفته بالكامل بعد ماجاب نتائج كويسة

وكنت بستخدمه عن طريق وضع 6 بخات علي الاماكن الي فيها فراغ في الشعر، مرة صبح ومرة بالليل لأول 6 شهور، بعد كدة بدات اقلل تدريجياً زي ماوضحت

ولكن ايه هي عيوب المينوكسيديل؟

  • ظهور قشرة خفيفة علي فروة الراس
  • زيادة نسبة الشعر في الجسم بأكمله وليس شعر الراس فقط
  • يسبب حكة بسيطة

واخيرا استخدميه زي ماقلتلك بالتدريج بلاش تستخدميه بشكل مكثف لاكثر من سنة، والنتائج هتظهر في خلال 6 شهور او 4 شهور، وانا بفضل استخدام التركيز 5%

واول ماتجيبيه لازم تعملي اختبار حساسية علي الجلد، وبنصح تحطيه علي منطقة الرقبة او تحت الاذن، ولكن هو في العادة مش بيسبب حكة شديدة لأي شخص ونادراً اما يسبب اي اعراض جانبية

ويفضل عند وضع المينوكسيديل ان يكون الشعر جاف وليس مبتل، ولازم بعد ماتحطيه متلبسيش الطرحة علاطول، اصبري لحد ما الشعر ينشف شوية لمدة مش اقل من ساعة مثلا.

  • التجربة نجحت بعد سنة و 6 اشهر

راي مجلة كوني مميزة

كما راينا من التجارب السابقة، ان الصلع الوراثي يوجد له نوعين من العلاج:

  • العلاج بالادوية
  • العلاج بعمليات زراعة الشعر

واغلب التجارب علي الادوية خصوصاً دواء المينوكسيديل كلها ايجابية وحصدت ثمارها، ولكن بشروط استخدام محددة، وان كنت تبحث عن مصادر كل تجربة، فمصدر التجربة الاولي والثانية والخامسة موجودين في المصادر اسفل هذا المقال.

guest
0 Comments
Inline Feedbacks
عرض التعليقات